xoves, 19 de decembro de 2013

VISITA CORO CPI TOMÁS DE LEMOS

Hoxe recibimos a visita e actuación do Coro do CPI Tomás de Lemos de Ribadavia. Interpretaron varias cancións e panxoliñas, permitindo que o noso alumnado interactuase con eles e participase nalgunha canción, especialmente Elisa e Salvador interpretando cada un unha canción.
Ademais da intervención estelar de Elisa acompañada do coro:


mércores, 18 de decembro de 2013

SAÍDA Á VÍDEO CONFERENCIA CON PAPÁ NOEL

Onte, 17 de decembro, pola maña un grupo do alumnado do CEE Miño acudiu a Vídeo conferencia con Papá Noel dende Laponia. 

Nos seguintes vídeos vemos as conversas levadas a cabo con Papá Noel e como o alumando o agasallou con algunha panxoliña:


CEE MIÑO

Perico, a nosa mascota da Biblioteca, proponlles que visiten a nosa páxina web no apartado de novas dedicado aos pais e nais, nel  atoparán un vídeo de presentación do noso centro.
Perico agarda pasen un anaco entretido coñecendo un chisco máis de cerca os espazos e tarefas que se levan a cabo a diario.

Deixamos tamén dende aquí o enlace para que cun clic poidan acceder.


venres, 13 de decembro de 2013

DECORANDO O CENTRO

Co gallo da chegada do Nadal, alumnado e profesorado puxéronse a tarefa da decoración do centro.



LECTURAS RECOMENDADAS POLA ASESORÍA DE BIBLIOTECAS ESCOLARES

Edicións do Cumio é unha editora especializada en temas musicais (entre outros) de aí que de cando en vez nos achegue produtos imprescindibles para atender ese campo. Xa coñecíamos Para cantar e bailar de Luis Prego e agora temos a ocasión de ver Xogos musicais, do mesmo autor, ambas na colección Música e multimedia
A presentación editorial aclara:
"Este traballo pretende afondar un pouco máis nos xogos, recitados e cancións para os máis cativos da casa, converténdose deste xeito nun libro entregado por completo aos xogos musicais iniciáticos. O tratamento das cantigas e recitados que compoñen este libro foron escollidos con moito cariño para que sexan un bo material didáctico para os pais, non se centrando exclusivamente na faceta artística. As músicas son doadas de asimilar, e facilmente reproducibles por pais e nais que non sexan grandes intérpretes ou cantantes profesionais, e as súas letras repetitivas e, maiormente, con temáticas infantís teñen como único fin que poñades todo este material en práctica e a viva voz, sen necesidade de darlle ao “play”.
Contén un CD con 38 cancións."
As ilustracións de Marta Iglesias aportan ese outro compoñente plástico tan necesario cando se trata de ter o libro nas mans. Unha visión sintética e esquemática, unhas cores alegres que falan desa ledicia que todos sentimos cando cantamos e xogamos, a arte nas páxinas.
Un material de moito interese que ten un lugar de privilexio nas mochilas viaxeiras dos máis pequenos, para recuperar a tradición, para vinculala aos afectos, para xogar e xogar!

Outro título que debemos lembrar é  Zampadanzas do mundo. Danzas á carta de Marta Pereira Coutinho, e lembrar que se pode descargar un capítulo de cada libro para catar.

Nova Galicia Edicións  ven de publicar un par de títulos, o primeiro deles para primeiros lectores, e o segundo para lectores autónomos. Trátase dun libro de poemas de Luz Beloso con ilustracións de Miguel Ángel Alonso Diz que leva por título  O cullarapo Croque  e outra obra dos mesmos autores, A nena á que non deixaban ser feliz. Estes libros, publicados anteriormente por  A Porta Verde do Sétimo Andar, Q de Vían Cadernos,  iniciativas nadas coa axuda da  plataforma verkami   que agora son retomadas por editoriais que facilitan a súa distribución e tradución.
O cullarapo Croque  from  lassa design  on  Vimeo. 





xoves, 12 de decembro de 2013

LECTURAS RECOMENDADAS PARA O NADAL

Perico, a nosa mascota da Biblioteca, recoméndalles a seguinte selección de libros que se atopan na Bbiloteca do Centro, algún deles adaptado polo alumnado en colaboración co profesorado. Perico e a súa amiga piruleta agardan lles gusten moito.




mércores, 11 de decembro de 2013

SAÍDA AO AUDITORIO

A NENA E O GRILO
Onte o alumnado máis autónomo do Centro saíu ao Auditorio para ver a obra de teatro musical, ofertada por obra social Nova Galicia Banco, "A nena e o grilo" 



xoves, 5 de decembro de 2013

PREPARANDO O NADAL

Uyyy!!! Que pouquiño falta!!! Xa estamos no mes de Nadal, e....cantas cousas que preparar!!!
Xa fixestes as cartas para PAPÁ NOEL e os REIS?
Traballade moito para que vos traían os agasallos que pedistes.
E...Para que vaiades repasando, estudando e decorando o centro, quedan equi unhas cousiñas atopadas na rede.






RECOPILACIÓN DE DEBUXOS PARA COLOREAR SOBRE O NADAL:






VISITA AO MUSEO ARQUEOLÓXICO

Hoxe, día 4 de decembro, o alumnado das aulas 4 e 10 foron de visita ao Museo Arqueolóxico, actividade ofertada polo Concello de Ourense.
Na seguinte presentación, unha mostra desta saída. 





martes, 3 de decembro de 2013

DÍA INTERNACIONAL DE LAS PERSONAS CON DISCAPACIDAD

Hoxe 3 de decembro, commemórase o día mundial das persoas con discapacidade. En 1992, as Nacións Unidas, proclamaron esta data para difundir a situación que viven as persoas con discapacidade, os actos de discriminación aos que se enfrontan e para fomentar unha maior integración na sociedade dos discapacitados.

E para ver e traballar co alumnado a integración, hai un conto:"POR CUATRO ESQUINITAS DE NADA" de Jérôme Ruillier.
Eiqui queda en versión vídeo adaptado por Mayte Calavia con alumnos do CEIP "El Espartidero" de Zaragoza:

E en versión presentación de Hoac Granada:


venres, 29 de novembro de 2013

CONTACONTOS NO CENTRO

O pasado mércores, día 27 de novembro, chegou ao Centro, coma cada curso, Sabela coa actividade "DÁLLE FORMA AOS TEUS CONTOS". 
Ela cóntalle ao alumnado dous contos e a cambio deixa a tarefa de elaborar nos outro para logo levar a exposición, que tamén coma cada ano se leva alá polo mes de maio co gallo das Letras Galegas.
A continuación unha presentación desta actividade:


luns, 25 de novembro de 2013

GALICIENCIA

O pasado xoves, día 21 de novembro, un grupo do alumnado do CEE "Miño" visitou a exposición de experimentos en Galiciencia.
Nas seguintes fotos pódese  ver o ben que o pasaron facendo burbullas xigantes de xabón.





mércores, 20 de novembro de 2013

VISITA A GALICIENCIA

Un grupo do noso alumnado acudirá mañá ao Parque Tecnolóxico para visitar a exposición, que como cada ano se celebra, de GALICIENCIA.



DÍA UNIVERSAL DOS NENOS E NENAS

No ano 1956, a Asemblea Xeral de Nacións Unidas recomendou que se instituíra en todos os países un Día  Universal  da Infancia, que se dedicaría á fraternidade e a comprensión entre os nenos  e nenas do mundo. O 20 de novembro conmemorase a data na que a Asemblea Xeral aprobou a Declaración sobre os dereitos do neno no 1959 e a Convención sobre os Dereitos do Neno en 1989. Por iso, o 20 de novembro pasou a ser o Día Universal dos Nenos e Nenas.


Para ampliar información:

mércores, 13 de novembro de 2013

MAGOSTO 2013

 O pasado venres día 8 de novembro, celebrouse o Magosto no centro.
Ao longo da terceira sesión o alumando fixo un percorrido polos  distintos xogos :
“Sentimos o Magosto”, con proxeccións, cancións e diferentes texturas (castañas, abelás, follas, ourizos, e bolas de auga para a sensación de humidade do outono)  destinado ao alumando das aulas 5 e 6 e Jessica da aula 2.
Polos xogos : “Busca a castaña”, “Xoga coa castaña”
“Pinta con tizóns” o alumando distribuído por grupos foi rotando.
Na quinta sesión levouse a cabo a festa das piñatas.
Nas seguintes presentacións pódese ver como aconteceu o MAGOSTO no CEE MIÑO.







martes, 12 de novembro de 2013

PREPARANDO O MAGOSTO

Como cada 11 de novembro en Ourense, e polo tanto no noso centro, celebrase o San Martiño, sinónimo de Magosto. 
Para festexalo o alumando do centro, coa axuda do profesorado e persoal non docente, dedicou a semana pasada a decoración da entrada, aulas, corredores e, como ven sendo tradición, a creación de fermosas piñatas.
Esta festa rematará o venres 8 coa celebración dos xogos da castaña, magosto e baleirado das piñatas.




Musica e vídeos de You tube para ir festexando:


xoves, 7 de novembro de 2013

SAÍDA AO AUDITORIO

NUNCABUNGA
Hoxe un grupo do alumnado do CEE Miño acudiu ao Auditorio a ve unha obra de teatro "Nuncabunga" ofertada por obra social NGB.



mércores, 6 de novembro de 2013

SAMAÍN 2013 NO CEE MIÑO

O pasado día 30 de outubro celebrouse a festa do Samaín no CEE Miño. Comezouse coa decoración de aulas e corredores, logo a maquillaxe de terror do alumnado por aulas, despois do recreo unhas meigas, moi meigas, repartiron a apócema máxica para logo acudir á festa.

Na festa presentou o Samaín o alumando da Aula 4 con caixas de luz, logo cantaron o Rock  do Samaín e o conto Corre, corre cabaciña, rematando coma sempre co baile.


















luns, 28 de outubro de 2013

UN FEITIZO DE MEIGAS

O curso pasado, co gallo da celebración do samaín, o noso alumnado, con axuda do profesorado, elaborou un conto "Un feitizo de meigas", con moitas texturas e con elementos manipulativos, que se presentou ese día e que está na nosa Biblioteca para o uso de toda a comunidade educativa. 
Para que se poida ollar está na seguinte presentación.

PREPARANDO O SAMAÍN

PREPARANDO O SAMAIN
O pasado venres, 25 de outubro, comezamos a preparación para a celebración da festa do Samaín.
Levouse a cabo a representación do contacontos “Corre, corre cabaciña” a cargo de Eugenia da librería Zampacontos, as 13.00 horas na aula de Psicomotricidade.


Na seguinte presentación pódese ver como foi este comezo de Samaín.

NOVAS ADQUISICIÓNS

Nesta semana a nosa Biblioteca aumentou o seu número de exemplares, novos contos para traballar ao longo deste curso.




xoves, 24 de outubro de 2013

NOVAS DO EQUIPO DE BIBLIOTECA

Este curso o EQUIPO DE DINAMIZACIÓN DA BIBLIOTECA está composto por:
-      Coordinadora: Concepción Irago Rguez (por 1 ano)
-      Membros: Mª Concepción Santos Moure
  Mª Rita Marquina Olmedo
                María Rguez García


Ponse a súa disposición e lembra que a nosa biblioteca está aberta para o préstamo de libros .
Infórmase que o vindeiro 25, virá Eugenia (Agasallo da Librería Zampacontos) para  dramatizar o conto: “Corre corre cabaciña” e así darase inicio ás actividades programadas para a celebración da festa do Samaín no noso Centro

 

EQUIPO DINAMIZACIÓN BIBLIOTECA



mércores, 16 de outubro de 2013

RECURSOS PARA SAMAÍN

Para ir traballando e ambientando a festa do Samaín, que este ano celebrarase o vindeiro día 30 por mor de ser festivo o 31 para o colectivo do ensino.
Deixamosvos unha páxina do CEIP Víctor Sáez, no que a compañeira Mª Asunción García Álvarez fixo unha recollida moi completa de recursos para estas datas.
Ademais tamén podedes ver uns vídeos collidos de YOUTUBE.

https://sites.google.com/site/recursosparaosamain/





martes, 15 de outubro de 2013

MELLORAS NO CENTRO

   Durante os meses de verán no Centro levaronse a cabo  dúas obras de mellora, unha no patio de fóra e outra no ximnasio.
   No patio de fóra arranxouse a zona do areeiro, acotandoa e póndolle un chan de corcho. E o ximnasio, de momento, só se puido pintar a zona máis afectada, zócalo, por falla dun maior presuposto.
   Así é como quedou:




martes, 24 de setembro de 2013

CHEGOU O OUTONO

Rematou o verán, e chega de novo a estación do outono, tempo de recoller colleitas e comezar a camiñar neste novo curso que ven de comezar hai uns días.
Para que ir empezando Perico e a súa amiga Piruleta deixannos uns vídeos publicados en you tube e no seguinte enlace fichas que nos poden axudar.








martes, 10 de setembro de 2013

CURSO 2013-2014
E xa chegou setembro!!
Benvidos e benvidas a un novo curso no CEE "Miño"!!
Mañá arredor das dez comezarase a recibir ao  alumnado para empezar as clases.
BO COMEZO!!!

E  para comezar con moito ánimo e ledicia a nosa mascota Perico adxúntavos unhas cancións: 



luns, 1 de xullo de 2013

BOAS VACACIÓNS E ATA PRONTIÑO!

Xa está aquí o verán co seu calorciño que tanto se fixo esperar...Comezan as vacacións despois dun curso de moito traballo e agora toca disfrutar!Despedímonos ata setembro,Bo verán a todos!!!


FESTIVAL DE FIN DE CURSO!!!

O pasado venres 21 chegou o gran día ...!O do festival de fin de curso!
Este ano titulámolo "A MAXIA DO CEE MIÑO". Baixo este nome escóndense as cousiñas especiais que levamos a cabo dende o comezo do curso, e que nós lle chamamos máxicas. Para iso, axudámonos de vídeos que foron introducindo as representacións do noso alumnado.
Este é o video que elaboramos durante os últimos meses de curso. Para velo solo tedes que premer no seguinte enlace:
A MAXIA DO CEE MIÑO

A continuación tamén vos deixo o enlace do vídeo coas diferentes representacións do noso alumnado:


Case para rematar o noso festival a profe Chus agasallounos cun vídeo onde se recollen os mellores momentos do curso:

 Agora sí, como despedida para o noso alumnado que deixa o centro deixámosvos uns momentos  das súas graduacións...Para eles desexamos a maior sorte nesta nova etapa!!!


Ahhh! Aquí vos deixamos distintas fotos que fixemos este día.
Grazas a todas as familias do noso alumnado por vir, acompañar e por disfrutar connosco!!!



mércores, 19 de xuño de 2013

CHEGA FIN DE CURSO

Déixovos o programa de actividades do festival de fin de curso.Agardamos que sexa do voso agrado.

xoves, 6 de xuño de 2013

"OLLANDO AOS NOSOS ARTISTAS"

Onte, os alumnos/as das aulas 10, 4 e Suso da aula 3 visitaron o Museo Municipal de Ourense. Alí visitaron a  XXIV Exposición De Animación á Lectura "Ollando aos nosos artistas" ofertada polo Concello de Ourense.
Podedes ver o ben que o pasaron nos seguintes videos:


mércores, 5 de xuño de 2013

FELÍZ DÍA DO MEDIO AMBIENTE

Hoxe, 5 de xuño, celébrase o Día Mundial do Medio Ambiente. O lema deste ano fai referencia ó despilfarro alimenticio"Piensa. Aliméntate. Ahorra". Non esquezades coidar o noso planeta e lembrade todo o que podemos facer por el.

xoves, 23 de maio de 2013

A CAIXA DE MÚSICA


Hoxe fomos ó Auditorio Municipal de Ourense ver unha obra chamada a Caixa de Música.
A caixa de música é un espectáculo de monicreques no que a compañia galega Titeres Viravolta conta a historia de Icía e Salterio, dous nenos que xogando, estragan a caixa de música de Calderón, o vello músico que toca na praza. Apesarada, Icía buscará o xeito de arranxala topando uns habilidosos personaxes, Zaracruso e Alterego, que lle poden prestar "gran axuda".




venres, 17 de maio de 2013

FELIZ PONTE DAS LETRAS GALEGAS

Ata o martes 21 estamos de ponte!!!!FELIZ DÍA DAS LETRAS GALEGAS E DÍA MUNDIAL DAS TELECOMUNICACIÓNS E DA SOCIEDADE DA INFORMACIÓN 


Tamén  vos deixo o video do libro "As nosas comidiñas" proposto por o Equipo da biblioteca para o festival das Letras Galegas e unha presentación con fotos para que vexades que ben o pasamos:




CELEBRAMOS O DÍA DAS LETRAS GALEGAS

Hoxe como todos os anos celebramos o día das Letras Galegas no colexío. A partir das 13:00 horas reunímonos no salón de actos para levar  a cabo todas as actividades programadas.
A volta da ponte podedes ver o video do noso festival polo de agora deixámosvos o telexornal sobre a figura de Roberto Vidal Bolaño que elaborararon os mozos e mozas do CPI dos Dice-Rois:





Xa estamos de volta, así que vos deixo o prometido:


luns, 13 de maio de 2013

COÑECEMOS A ROBERTO VIDAL BOLAÑO


Na semana das Letras Galegas achegámosnos a figura de Roberto Vidal Bolaño e do teatro a través das actividades que pon á nosa disposición o Seminario Galán.
A continuación podedes ver na seguinte presentación o ben que o pasamos:

Luns 13/5/2013






Martes 14/5/2013








Mércores 15/5/2013



sábado, 11 de maio de 2013

LETRAS GALEGAS 2013




O víndeiro 17 de maio celébrase o Día das Letras Galegas. Este ano adicadas a ROBERTO VIDAL BOLAÑO, director, autor e actor de teatro.
O equipo de Dinamización da Lingua Galega achégavos o enlace do Seminario Galán para que podades ir vendo as diferentes actividades que se farán no centro durante a próxima semana:

Deixámosvos  o tríptico de todas as actividasdes que se levarán a cabo na semana das Letras Galegas e a organización :





venres, 26 de abril de 2013

PRESENTACIÓN LIBRO RUFLOT

O día 24, para continuar coas actividades da semana do libro, o alumnado das aulas 10 e 4 coa axuda dun power point, foron contando o proxecto levado a cabo por o taller "Explorando cos sentidos", criar polos. Este proxecto completouse coa elaboración do libro Ruflot (o noso polo). É un proxecto de investigación dende a biblioteca en formato de entrevista engadido ao libro.
Todo este proceso de presentación está recolllido no seguinte video e para saber máis podedes visitar o blog do talller exploramos cos sentidos :




PRESENTACIÓN PIRULETA


O pasado luns chegou o centro PIRULETA unha amiga de Perico.
Se queredes podedes ver a benvida que lle demos no colexio no seguinte video:



martes, 23 de abril de 2013

CONTACONTOS POLO DÍA DO LIBRO

E para rematar o día... que mellor que cun contacontos que realizou Bea, unha das coidadoras do noso centro.
Estas son algunhas fotos, mañá subiremos o vídeo que grabamos e así  poderedes coñecer a nova compañeira de Perico.





No seguinte video podedes ver o contacontos de Mateo:


E por último: